Айыл чарба министри Аскарбек Жаныбеков дыйкандарды шафран өстүрүүгө чакырды.

Маалыматка ылайык, айыл чарба министрлиги шафранды өлкө боюнча жайылтуу боюнча программа даярдап жатат.

Документ кабыл алынса дыйкандар тренингден өтүшөт. Адис Абдыбек Асаналиев бир гектардан 10-15 кг түшүм алууга болорун билдирди.

Шафран татымалдарды жана косметикаларды жасоодо колдонулат. Ал медицинада да колдонулат жана баасы кымбат.

Эске салсак, быйыл сегиз айда Кыргызстан 200 тонна өсүмдүктү экспорттогон. Негизинен бул товарлар Орусия, Түштүк Корея жана Испанияга жеткирилген.