Быйыл Ысык-Көлдө 1 миң 500 гектар жерге жүгөрү айдалат. Бул тууралуу президенттин аймактагы өкүлчүлүгүнөн билдиришти.

Аймакта жылдан жылга малдын саны көбөйүп жатат. Ал эми тоют аз. Мындан улам жүгөрүнүн айдоо аянтын көбөйтүп, чыктуу тоют камдоо мерчемделүүдө, - дешти жергиликтүү бийликтегилер.

Бул максатта тиешелүү адистер дыйкандарга жүгөрү өстүрүү боюнча маалымат бергени айтылды.

Белгилеп кетсек, былтыр Ысык-Көлдүн төрт районунда жалпысынан 380 гектарга жүгөрү айдалган.