Дүйнөнүн 100 эң кымбат бренддеринин тизмеси жарыяланды. Алдыңкы беш сапты Apple, Google, Microsoft, Amazon жана Facebook ээледи. Бул тууралуу Forbes басылмасынын сайтында айтылат.

Өз кезегинде, алдыңкы он орундагы эки бренд жыл ичинде өз позицияларын начарлатты – Facebook 21 пайызга, ал эми Samsung 5 пайызга арзандады.

100 эң кымбат бренддин жалпы баасы бир жылда 2.23 трлн доллардан 2.54 трлнго жетти.

Топ-100 ишкананын 50дөн ашууну АКШда жайгашкан. Башка кеңири көрсөтүлгөн мамлекеттердин катарына Жапония, Германия, Франция жана Швейцария кирет.

Андан сырткары, кээ бир ишканалар өзүнүн каржылык көрсөткүчтөрүн жакшыртты:

• Visa 25 -- орундан 18-орунга көтөрүлдү;
• Adidas – 61-ден 51-ге;
• Netflix – 38-ден 26-га;
• Chanel—79-дан 52-ге;
• Cartier – 64-дөн 56-га.

Ошондой эле, Walmart дагы рейтингде бир топ көтөрүлүп, бренддин баалуулугу 12 пайызга өсүп, 29.5 млрдга жеткен (ишкана 26-орундан 19-га көтөрүлгөн).