Баткенде наркы 10,6 млн сомдук декларацияланбаган товар кармалды. Бул тууралуу Мамлекеттик бажы кызматынан кабарлашты.

Бажы кызматы 2,4 млн сомдук аткезчиликти аныктады

Маалыматка ылайык, «Баткен» бажысынын кызматкерлери «Кызыл-Бел» өткөрмө пунктунда Пакистандан келе жаткан товарга тыкыр кароо жүргүзгөн учурда, бажылык жактан декларацияланбаган аялдардын жана эркектердин кийимдеринин түрлөрүн табышкан.

Кармалган товардын наркы 10 млн 601 миң 790 сомду түзөт.

Бул факт Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилди.