Дээрлик 5,5 млн сомдук жер мамлекетке кайтарылды. Бул тууралуу Суу чарба, айыл чарба жана кайра иштетүү өнөр жай министрлиги билдирди.

Маалыматка ылайык, Мамлекеттик жер-суу көзөмөлдөө кызматы Аламүдүн районунун прокуратурасынын буйругунун негизинде Аламүдүн районунун Таш-Дөбө айыл өкмөтүнө жана үчүнчү жактарга сот органдарына аукциондун жыйынтыктарын жараксыз деп табууга жана аукциондун натыйжаларын жокко чыгарууга арыз менен кайрылган.

Орто-Сай айыл аймагынан 0,18 гектар жер тилкеси мыйзамсыз түрдө 180 миң сомго сатылып кеткен. Учурда жер тилкесинин базар баасы 5 млн 466 миң 112 сомду түзөт.