2024-жылдын 23-февралына карата Кыргызстанда инфляция 5,2%ды түздү. Бул тууралуу Улуттук банктын төрагасы Кубанычбек Бөкөнтаев “Кабар” агенттигине берген маегинде билдирди.

Анын айтымында, өлкөдө салыштырмалуу баа туруктуулугу бар, бул Улуттук банктын негизги милдеттеринин бири.

“Инфляциянын структурасында азык-түлүк товарларына баанын өсүшү тез темп менен жайлап жатканын көрүп турабыз. Мисалы, 2023-жылдын акырына карата азык-түлүк эмес товарларга баанын өсүшү 3,4%га төмөндөсө, 2022-жылдын акырына карата 15,8%ды түзгөн. Ошондой эле азык-түлүк эмес товарларга жана кызмат көрсөтүүлөргө баалардын өсүү темпинин төмөндөшү байкалууда”, - деди ал.