Жукеев-Пудовкин көчөсүндө Токомбаев көчөсүнөн "Газпром"мектебине чейин улантуу жолунун курулушу башталды. Бул тууралуу Бишкек мэриясы билдирди.

Белгилеп кетсек, жол Жукеев-Пудовкин көчөсүндө Токомбаев көчөсүнөн "Газпром" мектебине чейин курулуп, ТБЧК үстүндөгү көпүрөнүн курулушу менен узундугу 1 миң 200 метрди түзөт. Келечекте Куттубаев көчөсүнөн "Маариф" мектебине чейин жаңы көчө пайда болот, ал эми Молдобосанов көчөсү Байтик Баатыр көчөсүнөн Жукеев-Пудовкин көчөсүнө чейин уланат.

Ошондой эле, Чыңгыз Айтматов проспектиси менен Байтик Баатыр жана Жукеев-Пудовкин көчөлөрүн бириктире турган көчө курулат.

“Бул иш-чаралар борбордун түштүк-чыгыш бөлүгүндө жол инфраструктурасын өнүктүрүү жана борбордун түштүк-батыш жана түштүк-чыгыш бөлүктөрүн бириктирген транспорттук коридорлор менен камсыз кылуу максатында көрүлүүдө”, - деп айтылат маалыматта.

Бул Бишкек шаарынын ушул аймагындагы көчөлөрдү (Орто-Сай айылы, Чоң-Арык айылы, Байтик Баатыр, Жукеев-Пудовкин жана башка көчөлөрдү) жеңилдетет.

"Жолдор курулуш компанияларынын салымынын эсебинен курулуп, 240 млн сомго жакын каражат каралган", - деп белгиленет.