Быйыл сегиз айда Кыргызстанга 146 млн 816,9 миң сомго 2 миң 221 баш жылкы жана качыр алынып келинди. Бул өткөн жылдын ушул мезгилине салыштырганда 590 башка көп. Бул тууралуу Улуттук статистика комитети билдирди.

Жылкылардын көбү Кыргызстанга Орусиядан (1 миң 707 баш 91 млн 293 миң сомго) алынып келинген. Польшадан 31 млн 130,7 миң сомго 272 баш алынып келинген. Литвадан 16 млн 868 миң сомго 173 жылкы келген.

Ал эми Казакстандан (1 млн 808,8 миң сомго 28 баш), Латвиядан (1 млн 565 миң сомго 20 баш), Өзбекстандан (3 млн 233 миң сомго 13 баш) азыраак жөнөтүлгөн.

Мындан тышкары, АКШдан Кыргызстанга 652,4 миң сомго 4 баш жылкы жана Аргентинадан 191,9 миң сомго 3 баш жылкы алынып келинди.