Жогорку Кеңештин депутаты Таалайбек Сарыбашов Министрлер кабинетинин аз камсыз болгон үй-бүлөлөрдү аныктоо жана аларга жардам көрсөтүү боюнча Кытайдын методологиясына өтүү ниетин колдоду.

Эске салсак, Министрлер кабинетинин башчысы Акылбек Жапаров бюджет, экономикалык жана фискалдык саясат боюнча комитеттин жыйынында калктын жакыр катмары, үй-жайы, унаалары сүрөткө тартылып, массалык маалымат каражаттары аркылуу көрсөтүлөрүн билдирген.

“Мен акимиатта иштеп жүргөндө бир нече жетекчилерди кызматтан алганбыз, анткени жөлөкпулдарды ири ресторандар менен дүкөндөрдүн ээлери миллионерлер алышкан. Бул адамдар азыр кайрадан кызматтарына дайындалып жатышат. Ал эми мындай фактылар көп”, - деди ал.

Ал алгач жакыр эмес жөлөк пул алгандарды аныктап, андан соң жакырларга жардам берүүнү жакшыртуу керектигин белгиледи.