Евразиялык экономикалык биримдигине мүчө мамлекеттерге ГМО (генетикалык модификацияланган организмдер) үрөндөрүнө тыюу салуу жөнүндө ЕАЭБдин мыйзамына өзгөртүүлөрдү киргизүү каралууда. Бул тууралуу Айыл чарба министрлигинен билдиришти.

Маалыматка ылайык, алгач жүгөрү, кант кызылчасы, рапс, соя, помидордун эң кеңири таралган ГМО үрөндөрүн импорттоого тыюу салуу сунушталууда.

“Үрөндөрдү өндүрүүчүлөрдөн жана импорттоочулардан ГМО үрөндөрүн Кыргызстандын аймагында жүгүртүүгө тыюу салуу жөнүндө Кыргызстандын мыйзамдарынын талаптарын аткаруу талап кылынат”, - деп айтылат маалыматта.