Үстүбүздөгү жылдын январь айынан тарта июль айына чейин ишкерлер казынага бюджеттик насыялар боюнча 2 млрд 333.8 млн сом кайтарышты. Бул тууралуу республиканын каржы министрлиги маалымдады.

[news 27318]

Белгиленгендей, ишкерлер алдын ала коюлган пландын - 41 пайызын, айып боюнча - 12 пайызын аткарышкан. Бирок, ушул эле учурда бул көрсөткүч өткөн жылдын ушул эле мезгилине салыштырмалуу 27 пайызга төмөн болгон.

Андан сырткары, Финансы министрлигинин Улуттук банктагы эсебине 2020-жылдын январь-июль айларында агенттик тарабынан 353.4 млн сом бюджеттик насыя кайтарылган. Алардын ичинен:

• Швейцария өкмөтүнүн гранттары аркылуу - 2.2 млн сом;
• Япония өкмөтүнүн гранттары аркылуу - 6.8 млн сом;
• ЮСАИД долбоору аркылуу - 6.2 млн сом;
• Эл аралык өнүктүрүү насыясы аркылуу - 10 млн сом;
• Кытай өкмөтүнүн гранттары аркылуу - 22.7 млн сом;
• Турция насыясы боюнча - 600 миң сом;
• Германия насыясы боюнча (KFW) – 217.2 млн сом;
• Евразия өнүктүрүү банк насыясы аркылуу - 87.5 млн сом.