Кочкор-Ата шаарынын мэриясынын, архитектура жана кадастрынын жооптуу кызматкерлери жеке жактарга жер тилкелерин мыйзамсыз беришкен. Бул тууралуу УКМКдан билдиришти.

Маалыматка ылайык, 1996-жылдан 2015-жылга чейин шаардын борбордук көчөлөрүндөгү жер тилкелери коммерциялык объектилер үчүн мыйзамсыз берилген.

Кочкор-Ата шаарынын 1986 жана 2021-жылдары бекитилген башкы планы боюнча Пионер көчөсүнөн Ош - Бишкек жолуна баруучу жол болгон. Ошондой эле, Октябрь көчөсүнөн Гагарин - Токтогул көчөсүнө баруучу жол болгон.

Учурда аталган көчөлөрдө 41 соода павильону мыйзамсыз иштеп, тынымсыз тыгын жаратууда.

Аталган фактылардын негизинде 2-апрель күнү Ноокен районунун “Кадастр” мамлекеттик мекемесинин адиси О.Д.Ы кармалган. Ал УКМКнын Жалал-Абад облусу боюнча тергөө абагына камалды. Тергөө иштери уланууда.