Кыргызстан менен Өзбекстандын чек арасындагы коюлган чектөөлөр алынды

02.09.2020, 16:15 Акчабар
Кыргызстан менен Өзбекстандын чек арасындагы коюлган чектөөлөр алынды

Кыргызстан менен Өзбекстандын ортосундагы өткөрүү жайларда жарандардын жана транспорт каражаттарынын кирүүсүнө-чыгуусуна коюлган чектөөлөр 2-сентябрдан тарта алынды. Бул тууралуу Мамлекеттик чек ара кызматы маалымдады.

Эки мамлекеттин жарандары республикалардын аймактарына чектөөсүз кире алышат, бирок санитардык-эпидемиологиялык талаптарын кынтыксыз аткаруулары зарыл.

• акыркы 14 күн аралыгында Кыргызстандын аймагында болгон же акыркы 72 сааттын ичинде алынган таажывирустун терс жыйынтыгын көрсөткөн ПЦР-тест тууралуу маалымкаты бар адамдар Өзбекстанга кирип жатканда карантиндик көзөмөлгө алынышпайт. Өлкө аймагына кирип келе жаткан Кыргызстандын жана Өзбекстандын жарандары өткөрүү жайларында термометриядан жана анкета толтуруу менен жүргүзүлгөн сурамжылоодон өтүшөт;

• Кыргызстандан Өзбекстанга чыккан жана Кыргызстандын аймагында гана болуп келген Өзбекстандын жарандары республикага кайтып келе жатканда карантиндик көзөмөлгө алынышпайт.

• башка учурлардын бардыгында Кыргызстанга жана Өзбекстанга кирип жаткан адамдар бул өлкөлөрдө бекитилген тартипке ылайык карантиндик көзөмөлгө алынышат.

«Достук-автожол», «Кызыл-Кия-автожол», «Кадамжай-автожол», «Маданият-автожол» жана «Баймак-автожол» өткөрүү жайлары аркылуу жарандар кирип чыга алышат.

Транспорт каражатары кыргыз-өзбек мамлекеттик чек ара тилкесин «Кадамжай-автожол», «Достук-автожол», жана «Кызыл-Кыя-автожол» көзөмөл өткөрүү жайлары аркылуу кесип өтө алышат.

Эскерте кетсек, 1-сентябрдан баштап Өзбекстан COVID-19 боюнча эпидемиологиялык абалы турукташкан өлкөлөрдүн тизмегине кирген.

Тэги: Кыргызстан Өзбекстан өткөрүү жайлар жарандар Мамлекеттик чек ара кызматы

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть
<
×