Дүйнөлүк Соода Уюмунун (ДСУ) Штаб-квартирасында Кыргызстан Бириккен Араб Эмираттарынын Соода саясатына сереп салууга катышты. Бул тууралуу Экономика жана коммерция министрлигинин Дүйнөлүк соода уюмундагы өкүлү Нурбек Максүтов билдирди.

Сөзүнүн башында Максүтов Кыргызстан менен БАЭ ортосунда дипломатиялык мамилелер 1996-жылы түптөлүп, андан бери өлкөлөр акырындап эки тараптуу соода-экономикалык кызматташтыкты өнүктүрүү жолуна түшүп келе жатканын белгиледи. Бүгүнкү күндө БАЭ Кыргызстандын Перс булуңундагы мамлекеттердин гана эмес, ошондой эле Жакынкы Чыгыштын бүтүндөй регионундагы негизги экономикалык өнөктөштөрүнүн бири болуп саналат.

Өлкөлөр экономикалык кызматташтыкты өнүктүрүүгө багытталган фундаменталдык келишимдерге, анын ичинде инвестицияларды коргоо, кош салык салуудан качуу, аба каттамдары жана экономикалык кызматташуу боюнча келишимдерге кол коюшту.

Өткөн жылдын 9 айында өз ара сооданын көлөмү болжол менен 47 млн долларды түзүп, 2020-жылдын ушул мезгилине салыштырмалуу 4 эседен ашык өстү.

Кыргызстандан БАЭге негизги экспорттук товарлардын арасында алтындан жасалган буюмдар, ал эми импорт боюнча – тиричилик товарлары жана электроника бар.

Максүтов белгилегендей, келечекте ата мекендик азык-түлүктөрдү, анын ичинде таза жана минералдык сууларды экспорттоого чоң үмүт артып жатат. Белгилүү болгондой, Борбордук Азиянын бардык суу ресурстарынын 40% Кыргызстанда топтолгон.

“Кыргызстан БАЭ менен эки тараптуу кызматташуунун бардык багыттары боюнча мамилелерди өнүктүрүүгө жана бекемдөөгө кызыкдар жана даяр. Эки тараптуу соода-экономикалык кызматташтыктын эң маанилүү жана келечектүү багыттары соода, айыл чарба, логистика, энергетика, туризм жана авиация тармагындагы кызматташуу болот”,- деп баса белгиледи өкүл.

Бул контекстте энергетика жана инфраструктура министри башында турган БАЭ делегациясынын энергетика, туризм, айыл чарба жана логистика секторлорунун өкүлдөрү болгон ири Эмират компаниялары менен өткөн жылы Кыргызстанга болгон иш сапарында айтылды. Кыргызстандын президенти менен жолугушууда экономиканын бардык тармактарында инвестициялык долбоорлорду биргелешип ишке ашырууга жана өнүктүрүүгө кызыкдарлык билдирилди.

Жыйынтыгында Максүтов мындай иш-чараларды B2B жана B2G деңгээлинде өткөрүү зарылдыгын белгилеп, экономикалык алакалардын жылышына өбөлгө түзүп, эки өлкөнүн ортосундагы эбегейсиз соода-инвестициялык потенциалга шайкеш келишин, бизнес-ассоциациялардын ортосундагы байланышты түзүүнү белгиледи.

Мүмкүнчүлүктөн пайдаланып, Максүтов Кыргызстандын атынан БАЭ делегациясына ДСУнун алкагындагы көп тараптуу талкууларга жигердүү жана конструктивдүү катышкандыгы үчүн ыраазычылык билдирди жана Соода саясатын кароонун ийгиликтүү өтүшүн каалады.