20–21-апрелде Кыргызстандагы ПРООН жана Креативдивдүү индустриялар ассоциациясы 50 чыгармачыл өнөктөштөр менен биргеликте “CREATE4” фестивалын өткөрөт. Бул тууралуу Кыргызстандагы ПРООНдун өкүлчүлүгү билдирди.

Фестивалдын алкагында Кыргызстандын 7 облусунда 13 жерде 36 иш-чара өтөт. Быйылкы төртүнчү "Create4" фестивалы "Жаратман Кыргызстан" урааны астында өтөт.

"Фестивалдын максаты - жарандардын билимге, технологияны түшүнүүгө, кызматташууга жана биргелешкен долбоорлорду курууга умтулганын билдирүү. Жаратман Кыргызстан – бул өз ишин жана жерин сүйгөн, ар күн сайын эмгектен тажабаган адамдардын биригиши”, - деп айтылат маалыматта.