Кыргызстанда 8-аперлге карата кызамык оорусунун 7 миң 864 учур катталды. Бул тууралуу Саламаттык сактоо министрлигинин Республикалык иммунопрофилактикалык борборунан билдиришти.

Аймактар боюнча бөлүштүрө келгенде, Бишкек шаары боюнча 2 миң 599, Ош шаарында 464, Ош облусунда 1 миң 226, Баткен облусунда 214, Чүй облусунда 1 миң 836, Жалал-Абад облусунда 1 миң 196, Ысык-Көл облусунда 130, Талас облусунда 105 жана Нарын облусунда 94 учур катталды.

"Мурдагыдай эле оору Бишкек шаарында, Чүй, ошондой эле Жалал-Абад облустарында жайылып жатат. Бул аймактарда оорулуу адамдардан вирусту жуктуруп алчу адамдар көп экени мына ушундай көрсөткүчкө себеп болууда", - деп айтылат маалыматта.