“Манас” эл аралык аэропорту биринчи жолу өз каражатына эки учак сатып алды. Өлкөнүн башкы аба майданынан кабарлашкандай, келишимге Брюсселде кол коюлду.

Ага ылайык, чет элдик компания учактарды келерки жылдын май айында жеткирип берет. Бул убакыт аралыгында Кыргызстандын мыйзамдарын эске алуу менен жана жарандык авиациянын талаптарына ылайык аларды модификациялоо иштери жүргүзүлөт.

Учактарды алуу менен ички каттамдардагы авиабилеттердин баасына байланыштуу маселелер жөнгө салынат деп күтүлүүдө.