Директорлор кеңешинин 30-марттагы чечими менен “Манас” эл аралык аэропорту” ААКтын башкармалыгынын төрагасынын орун басары Рысбек Оморовдун ыйгарым укуктары мөөнөтүнөн мурда токтотулду. Бул тууралуу маалымат Кыргыз фондулук биржасынын сайтында жарыяланды.

Рысбек Оморов өткөн жылдын апрель айында “Манас” эл аралык аэропорту” ААКтын Башкармалыгына шайланган. Анын ордуна Адилет Малдыбаев шайланып, ал башкы директордун экономика, каржы жана социалдык өнүгүү боюнча орун басары болуп дайындалды.

Ал багай чейин Финансы министрлигинде, 2016-жылы Ленин райондук администрациясынын башчысынын орун басары, кийин Биринчи Май районунун акимдин орун басары болуп иштеген. 2020-жылы Бишкек шаардык мэриясынын борбордук аппаратынын жетекчиси жана аталган аппараттын экономика жана финансы бөлүмүнүн башчысы болуп иштеген.