Кыргызстан мусулмандар дин башкармалыгынын муфтийи Замир Ракиев кызматтан кетти. Бул тууралуу ал өзү Имам Сарахси атындагы мечитте жума намаздын алдында билдирди.

Азырынча муфтийдин эмне себептен кызматтан кеткени белгисиз. Анын ордуна орун басары Самидин Атабаев муфтийдин милдетин аткаруучу болуп бекиди.

Эске салсак, Ракиев Кыргызстандын муфтийи болуп 2021-жылдын июнунда шайланган.