Бишкек шаарынын мэриясы жеңилдиктер каралган категориядагы жарандарга кызыл «Тулпар» карталарын берүүнү жандандырды.

Жээнбеков тарабынан бир катар балдар уюмдарынын ар бирине 100 миң сомдон бөлүндү

Мэриядан билдиришкендей, карталар бериле турган ар бир түйүндө санитардык талаптар сакталган. Карталар күнүнө чектелүү сандагы адамга берилет: райондук акимчиликтеги тейлөө борборлорунда күнүнө 80 адамга жана муниципалдык аймактык башкармалыктарда 50 кишиге.

«Тулпар» карталарынын артыкчылыгы: чыгымдардын ачыктыгы жана кагаз, тыйын акчаларды колдонуунун кереги жок. Дүйнөлүк саламаттык сактоо уюму да кагаз акчаларды көп колдонбоону сунуштайт», - деп билдирет мэрия.

Мэрия автобус жана троллейбустарга алдыңкы эшик аркылуу кирүү керектигин эскертет.

Песионерлер «Тулпар» карталарын кайсы жерден ала алат:

Ленин району:

Ленин районунун акимчилиги - Чүй проспектиси 315 (Фучик көчөсү менен кесилишет);

№5 МАБ - Шота Руставели көчөсү, 111 (Ахунбаев көчөсүнөн жогору);

Бишкек троллейбус башкармалыгы - Москва көчөсү, 237а (Фучик көчөсү менен кесилишет).

Октябрь району:

Октябрь районунун акимчилиги - Байтик баатыр көчөсү, 17 (Медеров көчөсү менен кесилишет);

№8 МАБ - Токтоналиев көчөсү, 80/2 (Саманчин көчөсү);

№9 МАБ - 6 кичирайону, 4/1 (Сухэ-Батор көчөсү).

Свердлов району:

Свердлов районунун акимчилиги - Чүй проспектиси, 28 (7-апрель көчөсү менен кесилишет);

№17 МАБ - Москва көчөсү, 15 (Сүйүмбаев көчөсү менен кесилишет);

№18 МАБ - Атай Огонбаев көчөсү, 207 (Гоголь көчөсү менен кесилишет);

№21 МАБ - «Энесай" конушу (9), 256/2 (Култегин көчөсү).

Биринчи май району:

Биринчи май районунун акимчилиги - Жибек-Жолу проспектиси, 348 (Логвиненко көчөсү менен кесилишет);

№12 МАБ - Токтоналиев көчөсү, 6Б (Жаманбаев көчөсү менен кесилишет).