Чүй облусундагы "Сосновка" стационардык постунда бир килограммдан ашык "гашиш" баңгизатын ташып бара жаткан 47 жаштагы аял кармалды. Бул тууралуу Ички иштер министрлигинен билдиришти.

Текшерүү учурунда жүргүнчүдөн өзгөчө жыты бар кочкул күрөң түстөгү зат табылган. Экспертизанын корутундусуна ылайык, бул 1 килограмм 5 грамм салмактагы гашиш болгон.

Кармалган адам соттун чечими менен Бишкек шаарындагы убактылуу кармоочу жайга киргизилди. Учурда тергөө иштери уланууда.