Жогорку Кеңештин социалдык саясат боюнча комитетинин жыйынында тигүү цехтери үчүн социалдык төлөмдөр 12 пайыздан 40 пайызга чейин көтөрүлө турганы айтылды. Бул тууралуу Reporter.kg жазды.

Социалдык фонддун төрагасы Бактияр Алиевдин айтымында, жеңил өнөр жай тармагы 15 жыл мурдагы убадасын аткарбай, көмүскөдөн чыга алган жок.

“Аларга жеңилдик иретинде 12 пайыздык гана төлөм киргизилген. Анын 6 пайызын жумушчу, 6 пайызын ишкер төлөйт. Бул 600-800 сом өлчөмүндө. Бирок ага карабай бул тармакта иштеген 197 миң киши Соцфондко бир тыйын чегербей жатат”, - дейт Бактияр Алиев.

Депутат Жылдыз Садырбаева бул демилге тигүү тармагын токтотуп коерун айтты.