Жумабек Салымбеков “Бай Түшүм” банкынын директорлор кеңешинин төрагасы болуп дайындалды. Бул тууралуу Кыргыз фондулук биржасы билдирди.

Ошондой эле, ал банктын Дайындоолор жана сый акылар боюнча комитетинин башчысы болуп да дайындалды.

Салымбеков “Дордой базарынын” башкы директору, Бишкек шаардык кеңешинин (“Эмгек”) депутаты болуп саналат.

Эске сала кетсек, буга чейин 2-октябрда“Акчабар” “Бай-Түшүм” банкынан директорлор кеңешинин төрт мүчөсү, анын ичинде жетекчиси Аман Тентиев да кызматтан кеткенин жазган.