Мамлекеттик салык кызматы бир катар салыктарды төлөө мөөнөтү жакындаганын эскертет. Ведомствонун басма сөз кызматы билдиргендей, ушул жылдын 1-сентябрынан кечиктирбестен төмөнкүлөрдү төлөө керек:

•  транспорт каражатына салык,
• турак үй, батирге салык (ишкердик иш үчүн пайдаланылбаган),
• үй жанындагы, короо-жай жанындагы жана бак-чарба жер участокторуна салык.

Салыкты өз убагында төлөбөгөндүгү үчүн жеке жактарга 1000 сом, юридикалык жактарга 5 миң сом суммасында айып каралган.

Белгилеп кетсек, ушул жылдан баштап мүлккө, турак жайга жана транспорт каражатына мүлк салыгы боюнча маалыматтык эсептөөлөрдү толтуруу жана салык органдарына тапшыруу зарыл.