Айыл-чарба, тамак-аш өнөр жайы жана мелиорация министри Тилек Токтогазиев орун басары кылып, Бермет Турсалиеваны дайындады. Бул тууралуу министр өзүнүн Фейсбук баракчасы аркылуу билдирди. 

Кыргызстандан малды сыртка чыгарууга бөгөт коюу боюнча жарлыкка кол коюлду

Токтогазиевдин айтымында министрликтин тарыхында алгачкы ирет аял киши министрдин орун басары болуп жатат.

«Айыл-чарба министрдин жаңы орун басары менен таанышып алгыла – Бермет Турсалиева !

Айыл чарба министрлиги – чоң өзгөрүүлөрдүн алдында турат. Реформаларды жасаш үчүн күчтүү команда керек. Бермет айым, сиз Министрликке жаратмандык маданиятты алып келип, көп-көп прогрессивдүү жаңы долбоорлорду ишке ашырабыз деп ишенем. Элибиз үчүн чогу кызмат кылалы. Элибиздин батасын чогу чогулталы», – деп жазган айыл чарба министри.