Бир жылда апрель айында азык-түлүккө дүйнөлүк баалардын индекси биринчи жолу көтөрүлдү. Бул тууралуу Бириккен Улуттар Уюмунун Азык-түлүк жана айыл чарба уюму билдирди. 

Маалыматка ылайык, эттин баасынын индекси ай ичинде 1,3%га жогорулаган. Бул чочконун эти үчүн баа наркынын жогору болушу, ошондой эле канаттуулардын этине баалардын өсүшү менен байланыштуу.

Ошондой эле, Азия өлкөлөрү этке болгон суроо-талапты көбөйткөн. Ал эми малдын ден-соолугун камсыздоодогу көйгөйлөрдөн улам өндүрүш басаңдаган. 

“Уй этинин дүйнөлүк баасы да биринчи кезекте Америка Кошмо Штаттарында союлуучу малды жеткирүүнүн кыскарышынан улам кымбаттады”, - деп айтылат маалыматта.