2024-жылы Кыргызстандын консолидацияланган бюджети 600,7 млрд сом болору күтүлүүдө. Бул тууралуу Агроөнөр жай форумунда Министрлер кабинетинин төрагасы Акылбек Жапаров билдирди. 

Анын айтымында, Экономика жана коммерция министрлигинин 2024-жылга болжолдоосуна ылайык, ички дүң продукциянын көлөмү 1 трлн 410 млрд сомду түзүп, реалдуу өсүү темпи 6,0% деңгээлинде күтүлүүдө.

“2023-жылы консолидацияланган бюджет 575 млрд сомдон ашса, 2024-жылы 600,7 млрд сомду түзүүсү пландалууда”, - деди ал.