Улуттук банктын ноталарынын 23-январдагы аукциондорунун жыйынтыгы боюнча жүгүртүү мөөнөтү 7, 28, 91 жана 182 күндүк ноталардын орточо салмактанып алынган кирешелүүлүгү тиешелүүлүгүнө жараша 11,92%, 12,08%, 13,73% жана 14,56%ды түздү.

Маалыматка ылайык, 2023-жылдын 16-январында өткөрүлгөн аукционго салыштырмалуу бардык ноталардын орточо салмактанып алынган кирешелүүлүгү 7 күндүк 0,05%га, 28 күндүк 0,11%га, 91 күндүк 0,06%га жана 182 күндүк 0,06%га жогорулаган.

Эске сала кетсек, Улуттук банк ноталарды жайгаштыруу аркылуу рекорддук 34,9 млрд сом тартууну пландаган.