ААК «Кепилдик фонду» 2019-жылдын акыркы 10 айында  1.5 млрд сомго, 1.3 миң кепилдик берген. Бул тууралуу фонддун сайтында жазылат. 

Маалыматка ылайык, банк-өнөктөштөр ишкерлерге кепилдиги менен 5.1 млрд сомдон ашык насыя беришкен. 

Облустарга берилген кепилдиктин көлөмү: 

• Нарын – 77 млн сомго (насыянын суммасы – 201.5 млн);
• Ысык-Көл – 139.3 млн (насыянын суммасы — 387.7 млн);
• Ош — 142.2 млн сомго (насыянын көлөмү – 453.4 млн);
• Чүй – 296.6 млн сомго (насыянын көлөмү – 918 млн).

Анын ичинен  айыл-чарба тармагына - 712, айыл-чарба продукциясын кайра иштетүүгө- 72, өнөр-жайга - 108, транспортко - 88, туризмге - 58, курулушка - 11 кепилдик берилген. 

Тармактарга жараша берилген кепилдиктердин суммасы: айыл-чарба тармагына - 282 млн сом (насыянын көлөмү - 739.4 млн сом), айыл-чарба продукциясын кайра иштетүүгө - 280 млн сом (насыянын суммасы 1 млрд), өнөр-жайга - 287.1 млн сомду (насыянын көлөмү - 979 млн сом) түзөт.