2019-жылдын башынан бери 4 миң 694 жол кырсыгы катталган. Бул тууралуу маалымат жыйында Жол кыймылынын коопсуздугун камсыздоо башкы башкармалыгынын башчысынын орун басары Нур Сатыбалдиев билдирди.

Анын айтуусунда, катталган жол кырсыктардан 529 адам каза болгон. "Андан тышкары, 7 миң 265 адам жабыркаган. Жаш балдардын катышуусунда 1 миң 210 жол кырсыгы катталган, андан 68 бала каза болгон. Ошондой эле 1 миң 464 бала ар кандай жаракаттарды алышкан", - деп кошумчалады Сатыбалдиев.