Үстүбүздөгү жылдын I кварталында 16 компания камсыздандыруу ишмердигин жүргүзгөн. Алар тарабынан 407,6 млн. сом суммасында киреше алынды, бул 2019-ж. январь-мартына салыштырганда 20,2 пайызга көп. Чыгымдар ушул салыштырылып жаткан мезгилде 6,5 пайызга азайып жана 271,3 млн. сомду түзгөн. Бул тууралуу Улуттук статистикалык комитеттен маалымдашты. 

Каржы министрлиги июнь айындагы бюджеттин аткарылышы боюнча маалымат берди

2020-жылдын I кварталынын жыйынтыгы боюнча 12 камсыздандыруучу компаниянын кирешеси - 137,8 млн. сомду түзгөн. Ал эми эки компаниянын кирешеден чыгашасы көп болгон. Жалпысынан  136,3 млн. сом киреше түшкөн. Бул 2019-ж. январь-мартына караганда 2,8 эсеге көп болуп эсептелинет. 

1-апрелге карата 43,7 миң камсыздандыруу келишимдери түзүлгөн, бул өткөн жылдын тиешелүү мезгилине караганда 9,1 пайызга аз. Алардын ичинен 36,4 миңи же 83,4 пайызы жеке жактар менен, 16,6 пайызы - юридикалык жактар менен түзүлгөн келишимдер болгон. Муну менен катар түзүлгөн келишимдеринин жалпы саны 56,8 пайызы ыктыярдуу камсыздандырууга, ал эми 43,2 пайызы - милдеттүү камсыздандырууга туура келет.