Нарын облусунун Кочкор районунун Кочкор айылында “Унаа” мамлекеттик мекемесинин филиалы ачылды. Бул тууралуу аталган мекеменин басма сөз кызматы билдирди. 

Иш-чарага “Унаа” мамлекеттик мекемесинин директорунун орун басары Нурбек Ишеналиев, Кочкор районунун акими Эрмекбай Омошев, жергиликтүү тургундар, ошондой эле жергиликтүү активисттер катышты.

Сектор Кочкор айылы, Орозбаков 46 дарегинде жайгашкан. Мекеме дүйшөмбүдөн жумага чейин иштейт. 

Белгилей кетсек, быйыл калкка тез жана ыңгайлуу мамлекеттик кызматтарды көрсөтүүнүн сапатын жогорулатуу жана жарандарга ыңгайлуу шарттарды түзүү максатында Нарында “Унаа” мекемесинин 3 сектору жана 1 филиалы ачылды.