Дыйкандар кант кызылчасын жыйноо башталгандыгына байланыштуу кантты ташып келүү жана сатуу боюнча мурда жокко чыгарылган КНСти калыбына келтирүүнү суранышууда. Алар муну тиешелүү бөлүмдөрдүн өкүлдөрүнө 2021-жылдын 1-сентябрынан тартып кумшекерди импорттоодо жана сатууда КНСтин нөлдүк ставкасын узартуунун максатка ылайыктуулугу боюнча жумушчу кеңешме учурунда айтышты

Фермерлер кант кызылчасын жыйноо учурунда кантты импорттоодо жана сатууда КНСтин нөлдүк ставкасын узартуу терс болот дешет, анткени импорттук продукциялар бааны түшүрөт. Мында кызылчачылардын негизги кирешеси күз-кыш мезгилиндеги канттын наркына түздөн-түз көз каранды. Бааны төмөндөтүү дыйкандардын түшүм болбой калган жылда кошумча киреше албашына алып келет. Натыйжада, 2022-жылы Кыргызстанда кант кызылчасынын аянтынын кыскарышы жана ата мекендик канттын өндүрүшүнүн азайышы болушу мүмкүн.

Ассоциация дыйкандардын кайрылуусун колдойт жана тиешелүү министрликтерге жана ведомстволорго кант кызылчасын жыйноо жана ички кантты өндүрүү мезгилине байланыштуу кантты импорттоо жана сатуу боюнча КНСтин нөлдүк ставкасын андан ары узартуудан баш тартууну сунуштайт.