Коммерциялык банктар Каржы министрлиги тарабынан үстөксүз насыя алуу үчүн каражат кечеңдеп жатканына нааразы болушту. Бул тууралуу Каржы министринин орун басары Руслан Татиковго 11 коммерциялык өнөктөш банктын жетекчилери менен болгон жумушчу жолугушууда банк өкүлдөрү маалымдашты. Бул тууралуу Каржы министрлигинин басма сөз кызматы билдирди.

Белгилеп кетсек, жыл башында долбоорго каражаттын жетишсиздигинен улам кечигүү болгон.

Андан соң Руслан Татиков коммерциялык банктар бул кредиттерди берүү үчүн каражаттар толугу менен пайдаланылган учурда Каржы министрлиги тарабынан кайтаруу кепилдиги менен өз каражаттарынын эсебинен чыгарууну сунуштады.

Мындан тышкары, министрдин орун басары ишкерлер пайызсыз насыя алууда коммерциялык банктардын бюрократиялык процесстеринин курмандыгы болбошу керектигин белгилеп, банктарды бул насыяларды бизнеске берүү шарттарын татаалдаштырбоого чакырды.