“Биринчи радионун” эфиринде “Кумтөрдүн” жетекчиси Алмаз Барыктабасов 2023-жылы Нарын облусун өнүктүрүүгө 3,5 миллион доллар бөлүүнү пландап жатканын билдирди.

“Теңир-Тоо” Нарын облусун өнүктүрүү фондуна төлөмдөр дүң кирешенин 0,6%ын түзөт. 2022-жылы төлөмдөрдүн көлөмү болжол менен 3 миллион долларды түздү, анткени биз июнь айынан тарта төлөй баштаганбыз. Ал эми 2023-жылы бул учурда дүң киреше 800 миллион долларды түзсө, 0,6% 3,5 миллион долларды түзөт”, - деди ал.

“Кумтөрдүн” башчысы ошондой эле компания жыл сайын дүң кирешесинин 1%ын Ысык-Көлдү өнүктүрүү фондуна жумшай турганын эске салды. Өткөн жылы төлөмдөр болжол менен 9 миллион долларды түзгөн. Кошумчалай кетсек, жакында эле Түп районуна селден жабыркагандарга жардам катары 1 млн сом багытталган.