Ноокат районунун айыл өкмөтү жана жер-агрардык реформа Борборунун жетекчилери, кызмат ордунан кыянаттык менен пайдаланышып, 0.18 гектар муниципалдык бала-бакчаны болгону 60 миң сомго жеке менчикке мыйзамсыз сатып жиберишкен. Бул тууралуу Башкы прокуратуранын басма сөз кызматы билдирди.
Текшерүү учурунда бул бала-бакчанын рыноктук баасы 4 млн 129 миң сом турары анык болгон
Белгилей кетүүчү нерсе, КР Мыйзамдарына ылайык, муниципалдык мекемелерди жеке менчикке берүүгө тыюу салынган.
«Бул факт Кылымшытардын жана жоруктардын Бирдиктүү реестрине 320-беренеге ылайык (кызмат абалынан кыянаттык менен пайдалануу) катталды. Учурда сотко чейинки териштирүү иштери башталды», — деп жазылат маалыматта.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
