Президент Садыр Жапаров “China State Railway Group Co., Ltd” компаниясынын башкы директорунун орун басары Ван Тунжунду кабыл алды. 

Мамлекет башчысы эки тараптуу мамилелер, анын ичинде соода-экономикалык өз ара байланыштар жогорку деңгээлде экенин белгиледи.

Садыр Жапаров кыргыз тарап Кытайдын төрагасы Си Цзиньпиндин "Бир алкак - бир жол" демилгесин толук колдой турганын кошумчалады. Кыргызстан менен Кытайдын соода-экономикалык кызматташтыгына оң таасирин тийгизе турган ири транспорттук долбоор Кытай-Кыргызстан-Өзбекстан темир жолунун курулушу боюнча да талкууланды.