Суу чарба кызматы күзгү-кышкы жана айдоо алдындагы сугат иштерин ийгиликтүү аяктады. Бул тууралуу Ирригация илим изилдөө институтунун директору Улан Чортомбаев билдирди.

Республикалык бюджеттен 935,6 млн сом суммасында каржыланган оңдоо-калыбына келтирүү иштеринин алкагында инфраструктураны масштабдуу жаңылоо жүргүзүлдү. Анын алкагында 634,7 километр каналдарды ремонттоо, бетондоо жана механизациялаштырылган тазалоо, ошондой эле 680ден ашык гидротехникалык курулуштарды оңдоо иштери жүргүзүлдү.

“Насостук станцияларга, аларды оңдоого жана жаңылоого өзгөчө көңүл бурулууда. Натыйжада сугат жерлерин сугаруу үчүн чыгарылган суунун көлөмү 430,3 млн кубометрге жетип, былтыркы көрсөткүчтөн 11,6 млн кубометрге көп”, - деп айтылат маалыматта.