“Социалдык келишим” программасынын катышуучуларына финансылык сабаттуулук үйрөтүлөт. Бул тууралуу Эмгек, социалдык коргоо жана миграция министрлигинин басма сөз кызматы билдирди. 

Мекеменин өкүлдөрү программанын өнөктөштөрү менен биргеликте социалдык келишимдин катышуучулары жана жаңы жөлөк пул алуучулар менен жолугушууларды өткөрөт. Ошентип, Сокулук районунда кезектеги жыйын болуп, иш-чаранын уюштуруучулары туруктуу киреше алып келе турган жана кирешелүү долбоорлорду жазуу боюнча сунуштарын беришти.  

Ошону менен бирге кулпунай, малина, майда жандыктарды өстүрүү, балык өстүрүү, канаттууларды өстүрүү, ошондой эле балчылыкты өнүктүрүү боюнча кеңири окуулар өткөрүлдү. Иш-чара Айыл чарба министрлиги жана жергиликтүү бийлик менен биргеликте уюштурулган.