Облустун тарыхында биринчи жолу Талас шаарына ири кийим тигүү цехи курулат. Бул тууралуу шаардык мэриядан кабарлашты.

Маалыматка ылайык, ишкана 1500-2000 тигүүчүнү иш менен камсыз кылат.

“Кийим тигүүчү цехтин курулушу жакынкы арада башталат. Бул боюнча Талас шаарынын мэри Аскар Шабданов , Президенттин облустагы ыйгарым укуктуу өкүлү Бакытбек Нарбеков Бишкек шаарына барып, тигүү цехин куруп, иштетүүгө бел байлаган "Сool Bro's" компаниясынын өкүлдөрү жана архитекторлор менен жолугушту. Тараптар ишкананын кандай типте курулушу боюнча сүйлөшүштү”, - деп айтылат маалыматта.