Тышкы иштер министрлиги Алматыдагы базарда иштеген кыргызстандыктардын көйгөйүн чечүүдө. Министрликтен кабарлашкандай, Башкы консулдук кыргызстандык ишкерлерден түшкөн кайрылууларга чара көрүү боюнча иш-чараларды жүргүзүп жатат.

Буга чейин парламентте Кыргызстандын ондогон жарандарынын жүк салынган контейнерлери тартып алынып жатканы кабарланган.

Казакстандын Тышкы иштер министрлигине жана Алматы облусунун Карасай райондук ички иштер бөлүмүнө нота жөнөтүлдү. Жакынкы күндөрү соода борборунун жетекчилиги менен жолугушуу пландалууда.

Мындан тышкары, кайрылгандарга юридикалык жардам көрсөтүлүп, адвокат жалдоо боюнча сунуштар берилди.