Былтыр 2022-жылдын январь-сентябрь айларында экономиканын реалдуу секторунда 21,3 миң ишкана жана уюм иштеген. Бул тууралуу Улуттук статистикалык комитети билдирди.

Жыл башынан бери алар 503 миллиард 793 миллион сомдук дүң киреше алышкан. Бул 2021-жылдын тогуз айына салыштырмалуу 26,3%га же 104 миллиард 773 миллион сомго көп. 

“Дүң кирешенин олуттуу өсүшү негизги металлдарды өндүрүү ишканаларында (30 млрд 529,4 млн сомго), соода уюмдарында (14 млрд 474,8 млн сомго), транспорттук ишмердүүлүктө жана товарларды сактоодо (12 млрд 249,2 млн сомго), тамак-аш өндүрүшү, анын ичинде суусундуктар (9 млрд 628,5 млн сомго), тоо-кен өндүрүшү (5 млрд 675 млн сомго), электр энергиясы, газ, буу жана абаны кондициялоо менен камсыз кылуу (4 млрд 797 млн ​​сомго), ошондой эле мейманкана жана ресторан бизнеси (3 млрд 682,4 млн сомго) өскөн”, - деп белгиледи Улуттук статистикалык комитет.

Экономиканын реалдуу секторундагы ишканалардын чыгашалары 2021-жылдын январь-сентябрына салыштырмалуу дээрлик төрттөн бирине өсүп, 407 миллиард 250,2 миллион сомду түздү.