Фермерлерге жазгы-талаа иштерин жүргүзүү үчүн тийиштүү көмөктөр көрсөтүлөт. Бул туурасында КР биринчи вице-премьер-министри Кубатбек Боронов Республикалык ыкчам штабдын жыйынынын жүрүшүндө билдирди.

Боронов: Калктын аярлуу катмарына жардам берүү иши ыкчам жана тегиз чечилиши кажет

Анын айтымында, жергиликтүү бийлик органдары аталган маселеге көңүл буруусу тийиш.

«Дыйкандардын, айыл чарба техникасынын кыймыл-аракетине кыйынчылыктар жаралбашы керек. Айрым айылдарда орнотулган посттор жазгы-талаа иштерин жүргүзүүгө тоскоолдук түзбөшү керек. Бул маселени иретке келтирүү зарыл», - деди Кубатбек Боронов.

Мындан тышкары, коронавирустун жайылыш абалын мониторингдөө боюнча автоматташтырылган тутумдун бетачары болду, анда коронавирус менен ооруган жарандардын, алар менен катнаш болгондордун, карантиндеги адамдарын орду боюнча бирдиктүү эсеп жүргүзүлөт.

Жергиликтүү бийлик органдарына маалыматтарды тутумга ыкчам киргизүү тапшырмасы берилди.

Мындан тышкары, аларга калктын аярлуу катмарына даректүү жардам көрсөтүү боюнча ишти күчтөндүрүү тапшырылды.