Министрлер кабинетинин төрагасы Акылбек Жапаров Жалал-Абад облусуна жасаган иш сапарынын алкагында Сузак районундагы № 53 тергөө изоляторунун жаңы имаратынын ачылышына катышты. Бул тууралуу өкмөттүн басма сөз кызматы билдирди. 

Маалыматка ылайык, №53 тергөө изоляторунун жаңы имаратын курууга республикалык бюджеттен 364 млн сомдон ашык каражат бөлүнгөн. 

Анда өкмөт башчы мамлекет үчүн кооптуу деп табылган кылмыштуу чөйрөнү коомдон обочо кармоо-өзгөчө атайын милдет экенин айтып, шаар ичиндеги абактарды шаардын сыртына чыгаруу саясаты жүрүп жатканын белгиледи.

“Ушул биз ачып жаткан № 53 тергөө изоляторун чыгардык. Абакты Базар-Коргон районуна көчүрүп жатабыз.  Буга чейин бул изолятордо аялдар менен жашы жете элек балдар кармалып келген. Туура, жазык-аткаруу мыйзамдарынын талаптарына ылайык калктын аярлуу катмары болгон аялдар жана жашы жете элек балдарды кармоо үчүн тиешелүү шарт болгон эмес”,- деди ал.