Кыргызстанда жыл башынан бери 22 миң 412 жаранга техникалык паспорт, 33 миң 747 жерге жеке менчик укугу жөнүндө мамлекеттик акт берилди. Бул тууралуу "Акчабарга" Айыл чарба министрлигине караштуу Жер кызматынын директорунун орун басары Турсунбек Кубанычбеков билдирди.  

Анын айтымында, Кыргызстанда жерди өз билемдик менен мыйзамсыз басып алуу маселеси Ош, Бишкек, тагыраагы Сокулук, Аламүдүн жана Кара-суу райондорунда болууда. 

Ошондой эле, трансформацияланган жерлердин аянты 8 миң 484 гектарды түзөт.  

Жер мунапысынын объектиси болгон жерлерди которуу (трансформациялоо) боюнча иштер бүгүнкү күндө жергиликтүү мамлекеттик администрациялар тарабынан жүргүзүлүүдө.