Жарыяланган
2026-14-04, 14:262026-жылдын январь–февраль айларында кумар оюндарынан бюджетке 90.4 млн сом салык түштү. Бул өткөн жылдын ушул эле мезгилине салыштырмалуу 46.8%га же 28.8 млн сомго көп.
Негизги кирешени казинолор камсыз кылып, 85.2 млн сомду түздү. Былтыр бул көрсөткүч 58.8 млн сом болгон.
Оюн автоматтары жана компьютердик симуляторлордон түшкөн киреше кескин өсүп, 3.6 млн сомго жетти (2025-жылы — 675 миң сом).
Ошол эле учурда букмекердик кеңселер менен тотализаторлордон түшкөн кирешелер азайып, 2 млн сомдон 1 млн сомго чейин кыскарды.
Онлайн-казино жана виртуалдык платформалар сегменти азырынча чакан бойдон калганы менен, бул багытта да өсүш байкалды — 134.5 миң сомдон 669.8 миң сомго чейин көбөйдү.
Эске салсак, Кыргызстанда кумар оюндары 2022-жылдын июнь айында он жылдык мораторийден кийин кайра мыйзамдаштырылган. Өкмөт бул тармактан жылына 3–6 млрд сом киреше күткөн, бирок азыркы көрсөткүчтөр бул деңгээлге жете элек.
