Жарыяланган
2026-11-02, 16:41Быйыл 29-марттан тарта Гуанчжоу – Бишкек – Гуанчжоу багыты боюнча түз туруктуу аба каттамын ишке киргизүү пландалууда. Бул тууралуу Тышкы иштер министрлиги билдирди.
Маалыматка ылайык, 11-февралда Кыргызстандын Гуанчжоу шаарындагы Башкы консулдугунун жана China Southern Airlines авиакомпаниясынын өкүлдөрүнүн ортосунда жумушчу жолугушуу өткөн.
Жолугушууда Гуанчжоу – Бишкек – Гуанчжоу багыты боюнча түз аба каттамын ишке киргизүү жана Бишкек – Гуанчжоу – Санья багыты боюнча каттамды ачуу маселелери талкууланган.
Кытай тараптын маалыматына ылайык, каттам жумасына эки жолу — шаршемби жана жекшемби күндөрү аткарылат. Авиабилеттерди сатуу 11-февралдан башталган.
Министрлик түз аба каттамы эки өлкөнүн соода-экономикалык жана туристтик кызматташтыгын өнүктүрүүгө өбөлгө түзөрүн белгиледи.
