Жарыяланган
2026-30-09, 14:08«АБанк» 2026-жылдын биринчи жарым жылдыгындагы ишмердүүлүгүнүн жыйынтыгын чыгарды. Отчеттук мезгил ичинде банк туруктуу динамикасын сактап, продукттарын жана кызмат көрсөтүүлөрүн өнүктүрүүнү улантты, ички процесстердин натыйжалуулугун жогорулатты жана финансылык рыноктогу позицияларын бекемдеди.
2026-жылдын 1-июлуна карата «АБанктын» активдери 271,08 млрд сомду, ФКМ каржылоосун жана Мурабаханы кошкондо кредиттик портфелинин жалпы көлөмү (брутто) 109,25 млрд сомду түздү. Депозиттик портфель 166,54 млрд сомго, уставдык капитал 79,77 млрд сомго жетти, ал эми банктын таза кирешеси 3,02 млрд сомду түздү.
Бул көрсөткүчтөр банктын финансылык жыйынтыктарын гана эмес, кардарлардын банкка болгон ишениминин деңгээлин, бизнестин туруктуулугун жана «АБанктын» командасынын ишинин натыйжалуулугун да чагылдырат.
Жетишилген натыйжалардын маанилүү факторлорунун бири — борбордук аппарат менен филиалдык тармактын биргелешкен жана макулдашылган иши болду. Кыргызстандын бардык аймактарындагы банктын жетекчилери жана кызматкерлери тейлөөнүн сапатын жогорулатуу, продукттарды өнүктүрүү жана коюлган милдеттерди ыкчам чечүү багытында иш алып барууну улантмакчы.
2026-жылдын экинчи жарым жылдыгында «АБанк» өнүгүүнүн негизги багыттары боюнча — банктык продукттарды өркүндөтүү, санариптештирүү жана кардарларды тейлөөнүн сапатын жогорулатуу боюнча ишин улантат.
Жаңы санариптик чечимдерди киргизүүгө жана иштеп жаткан кызмат көрсөтүүлөрдү өнүктүрүүгө өзгөчө көңүл бурулат. Негизги максат — Кыргызстандын бардык аймактарындагы кардарлар үчүн банктык кызматтарды дагы да ыңгайлуу, түшүнүктүү жана жеткиликтүү кылуу.
«АБанкта» санариптештирүү биринчи кезекте кардарлардын тажрыйбасын жакшыртуунун инструменти катары каралат: технологиялар кардарларга убакытты үнөмдөөгө, финансылык маселелерди тезирээк чечүүгө жана керектүү кызматтарды мүмкүн болушунча жөнөкөй жана ыңгайлуу түрдө алууга жардам берүүгө тийиш.
Банк кардарларына көрсөткөн ишеними үчүн ыраазычылык билдирет жана ишмердүүлүгүнүн негизги багыттарын — тейлөөнүн сапатын, ишенимдүүлүгүн жана ыңгайлуулугун сактоо менен заманбап финансылык чечимдерди ырааттуу өнүктүрүүнү улантат.
Улуттук банктын лицензиясы № 048
