Жарыяланган
2024-17-09, 16:13Бүгүн, 17-сентябрда Кыргыз фондулук биржасында “Манас” аэропортунун жөнөкөй акцияларын жайгаштыруу боюнча ири бүтүм болду.
Биринчилик рынокто болгон бүтүмдүн алкагында акционер "Манас" аэропортунан 690 миң 344 акция алган. Бир баалуу кагаздын баасы 424 066 сомду түздү. Натыйжада, компаниянын акционерге берилген баалуу кагаздарынын суммасы 292 миллион 751,2 миң сом болду.
Белгилеп кетсек, ушул жылдын 25-апрелинде өткөн “Манас” аэропортунун акционерлеринин жылдык жалпы чогулушунда компаниянын уставдык капиталынын көлөмүн 11 миллиард 818,3 миллион сомго чейин көбөйтүү чечими кабыл алынган. Жөнөкөй аталыштагы акциялардын саны 27 млн 869 миң 44 даана номиналдык наркы 424,066 сом менен бекитилген.
Кошумчалай кетсек, буга чейин 13-сентябрда “Манас” аэропорту 51,1 миңден ашык акциясын акционерлерине бөлүштүргөн.
