Жарыяланган
2026-04-11, 13:16Азербайжан Кыргызстан менен соода жана инвестициялык кызматташтыкты кеңейтүүгө кызыкдар. Атап айтканда, өнөр жай, кайра иштетүү, жүк ташуу жана курулуш тармактарында биргелешкен долбоорлорду ишке ашыруу сунушталууда. Бул тууралуу Азербайжандын экономика министринин орун басары Ровнаг Абдуллаев Бишкекте өткөн СПЕКА экономикалык форумунда билдирди.
Анын айтымында, аймактагы өлкөлөр өз ара инвестицияларды көбөйтүп, биргелешкен өндүрүштү өнүктүрүүгө жана товарларды тышкы рынокторго чыгарууга көңүл бурушу керек.
Абдуллаев Кыргызстан, Казакстан жана Өзбекстан менен биргелешкен инвестициялык механизмдерди активдүү пайдалануу зарылдыгын белгиледи.
Тактап айтканда, 2026-жылдын июнь айында Азербайжандын өнүктүрүү фондунун капиталын 200 млн долларга чейин көбөйтүү боюнча макулдашууга жетишилген.
Ошондой эле ал СПЕКАга мүчө өлкөлөрдүн ишкерлерин Азербайжандагы эркин экономикалык аймактарга, өнөр жай парктарына жана соода-логистикалык долбоорлорго инвестиция салууга чакырды.
Форумда берилген маалыматка ылайык, 2025-жылы Азербайжандын СПЕКА өлкөлөрү менен соода жүгүртүүсү 60%дан ашык өсүп, 2 млрд долларга жакындаган.
